Көчмө мектептеги экинчи күн

Көчмө мектептеги экинчи күн таңкы дене көнүгүүлөрүнөн башталды. Балдар дене көнүгүүлөрүнөн бир күндүк күч-кубат алышат. Эртең мененки тамактан кийин катышуучулар группаларга бөлүнүшүп,жетекчилеринен бүгүнкү күнгө тапшырмаларды алышты. Андан кийин квест оюну башталды. Ал бир топ күнгө пландалган.

Анын мааниси эмнеде? Илимчилерге Марска баруучу карабльды жасоо үчүн инструкциянын кодун табуу иши турду. Балдар бүгүн квест оюнунун 4 этабын өтүп коюшту жана табышмактуу коддун бир нече цифраларын табышты!

Ар кандай түстөр боюнча группаларга бөлүнүп, балдар өзүнүн мугалимин издеп жөнөштү. Ал өзү старттык тапшырма берди. Анда болсо коддун биринчи цифрасы бар конвертке алып бара турган баш айландырма жолдон өтүшү керек эле.

Экинчи тапшырма болсо жөнөкөй эле болуп чыкты.Группанын катышуучусунун бири суусу бар чакадан колдун жардамысыз алманы алып чыгыш керек болду. Бардык катышуучу муну оңой эле аткарып коюшту.

Yчунчү этап оңой-олтоң тапшырмалардан эмес экен. Окуучулар Морзе алиппеси боюнча берилген кабардын чечмесине жооп издеп жатышты. Илимчилер бул татаал тапшырманы мыкты аткарышты.

Төртүнчү тапшырма акылдуулукту, тапкычтыкты талап кылды Мугалим 3 табышмак берди. Алар бат эле жообун табышты, бүгүнкү күнгө керектүү коддун акыркы санын аныкташты.

Илимчилердин окулары эртең уланат, ошондуктан биздин чыгарылыштарды өткөрүп жибербегиле!