Заманбап мугалимдин квалификациясын жогорулатуу

Азыркы учурда заманбап мугалим кандай болуш керек деп өзүңүзгө суроо берип көрдүңүз беле?

Негизи, азыркы мугалим тажрыйбадан жана балдарга болгон сүйүүдөн тышкары, көптөгөн тармактар боюнча тиешелүү билимге жана окутуунун натыйжалуу методдоруна ээ болушу керек.

Бүгүн биздин дүйнө абдан тездик менен өзгөрүп жатат. Демек, мектептерде окутуунун жолдору жана мугалимдердин кесипкөйлүгүнүн деңгээли дайыма өзгөрүп, өнүгүп турушу мезгилдин талабы.

«Илим» Билим берүү Комплексинин мугалимдери да ар кандай сабактар боюнча мастер-класстарды жана семинарларды үзгүлтүксүз өтүшүп, заманбап технологиялар менен иштөө жана ойноп үйрөнүү боюнча жаңы билимге ээ болуп турушат.

Мунун бардыгы «Илим» Билим берүү комплексинин мугалимдерине заман талабына шайкеш келип, балдарга заманбап, турмуштук жана натыйжалуу билим берүүгө мүмкүнчүлүк берет.